Татарстанның табигать тарихы музеенда Белем көне

1 сентябрь, Белем көнендә, зур чәчәк бәйләмнәре тоткан меңләгән малайлар һәм кызлар мәктәпка линейкага ашыкканда, Татарстанның табигать тарихы музее кунаклар өчен бәйрәм оештыра. Сезне искиткеч фактлар, көтелмәгән биремнәр һәм кызыклы ачышлар көтә.

• Музей буйлап мавыктыргыч квест
  11:00 – 16:00
  
  Катнашучылар музейның унике залы буйлап танып-белү сәяхәтендә булачак, планетабыз тарихына чумып ташка әверелгән экспонатларны һәм скелетларны өйрәнәчәк. Иң мөһиме квестны чишүче ачкыч табачак. Барлык сорауларга дөрес җавап биргән иң зирәк катнашучылар истәлекле сувенирлар белән бүләкләнәчәк.
  
  Керү билеты буенча
  

• «Ачышлар бүлмәсе» мәдәни-белем бирү музей программасын тәкъдир итү
  11:00 – 16:00
  
  Яшь ачыш ясаучылар гаҗәеп дөньяга сәяхәт кылачак. Ул дөньяны гади күз белән генә күреп булмый. Әлеге программада катнашучылар безне әйләндереп алган әйләнә-тирә дөнья предметларын мөстәкыйль рәвештә микроскоп ярдәмендә өйрәнә алачак.
  
  Керү билеты буенча
  
  

• Зур экранда фәнни-популяр фильмнар күрсәтү
  11:00, 13:00, 15:00
  
  Техник алгарыш палеонтология кебек үк бер урында тормый. Бу ике фән берлектә гаҗәеп әйберләр иҗат итә ала. Шуларның берсе – миллионлаган еллар элек безнең җирдә яшәгән борынгы кәлтәләр турында фильмнар. 1 сентябрьдә музейга килүчеләр зур экранда кинолента белән таныша алачак.
  
  Керү билеты буенча
  

• Тиранозавр һәм Велоцераптор белән фотосессия
  11:00 – 16:00
  
  1 сентябрьдә бирегә килүчеләрне музее залларында Тиранозавр һәм Велоцераптор каршылый. Алар белән бергә экспонатлар белән таныша һәм истәлекле фото ясый алачаксыз.
  
  Керү билеты буенча
  
  

• Балалар өчен отышлы лотерея
  11:00 – 16:00
  
  1 сентябрь көнне музейга килгән балалар отышлы лотереяда катнашу мөмкинлегенә ия була һәм Татарстанның табигать тарихы музееннан сувенир белән бүләкләнәчәк.
  
  Керү билеты буенча
  
  

• Музей залларында «Акыллы уеннар»
  11:00 – 16:00
  
  Музейга килгән һәр кеше үз көчләрен өстәл уеннарында сынап карый һәм үзенең зирәклеген, уй-фикер эзлеклелеген, никадәр уңышлы булуын тикшереп карый ала. Катнашучыларны «Эволюция», «Барабашка», «Минераллар эзләүче» һ.б. көтә.
  
  Керү билеты буенча