27.12.2022
Казанның яңа иҗтимагый киңлеге — Гавами бинасы ишегалдында рус ишарәләр теленә тәрҗемә ителгән экскурсияләр узачак. Катнашучыларга ишегалды тарихы, төзекләндерү барышында нинди эшләр башкарылуы хакында, шулай ук җәен казанлыларны һәм башкалабыз кунакларын нинди үзгәрешләр көтүе турында сөйләячәкләр.
Исегезгә төшерәбез, элек Гавами бинасы ишегалды Казанның иҗтимагый тормышында берничек тә катнашмады. Үз вакытында монда ат абзары, тимерче алачыгы, асфальт түшәлгән машина кую урыны була. Ләкин яздан әлеге урынның “тормышында” үзгәрешләр башланды. Проект белән Татарстан шәһәрләрен үстерү институты, «Рождественка» Мәскәү бюросы, Miriada Group Казан компаниясе һәм «Татинвестгражданпроект» шөгыльләнә. Биредә җиргә таш түшәлгән, Гавами бинасы фасадлары һәм Кремль стенасы махсус яктыртылган.
Экскурсияләрне Дарья Моратова («Казан Кремле» музей-тыюлыгы) һәм Зилә Гарипова (Татарстан шәһәрләрен үстерү институты) үткәрәчәк.
4 гыйнвар, 14:00
Тәрҗемәче — Салина Гарнаева
7 гыйнвар, 14:00
Тәрҗемәче — Екатерина Ибәтуллина
Очрашу урыны – Гавами бинасының беренче подъездының керү аркасы (Кремльдәге Яңа ел ярминкәсенә керү урыны).
Экскурсияләргә керү ирекле. Урыннар саны чикләнгән – 8 (986) 917-78-61 телефоны буенча (WhatsApp) алдан теркәлергә кирәк.
Исегезгә төшерәбез, 20 декабрьдән 15 гыйнварга кадәр Гавами бинасы ишегалдында Кремльнең Яңа ел ярминкәсе эшләячәк. Ишегалды өчен махсус бизәү концепциясе эшләнде, җирлеккә арт-объектлар урнаштырылды һәм 17 метрлы чыршы куелды. Ярминкә дәвамында спектакльләр, музыкаль кичәләр, мастер-класслар һәм башка күңел ачу чаралары узачак. Чараларга керү ирекле. Тулырак программа белән ишегалдының телеграмма-каналында танышырга мөмкин: t.me/pm_kremlin.
Оештыручылар – «Казан Кремле» музей-тыюлыгы белән берлектә Татарстан шәһәрләрен үстерү институты.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 350 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Кафе и рестораны на территории Казанского Кремля
