«”Үз күзләреңә ышанма”. Сәнгатьтә иллюзияләр» күргәзмәсе кысаларында балалар сәнгать эшләренең инклюзив бәйгесе

Дәүләт Эрмитажы тупланмасыннан «“Үз күзләреңә ышанма”. Сәнгатьтә иллюзияләр» күргәзмәсе кысаларында «Эрмитаж-Казан» үзәгендә балалар сәнгать эшләренең инклюзив бәйгесендә катнашырга чакырабыз. Бәйгедә ишетмәүче һәм начар ишетүче балалар, шулай ук ишетмәүче ата-аналарның 12-18 яшьлек балалары катнаша ала.

Бәйгедә катнашу өчен берничә адым ясарга кирәк:

1 адым. Гариза тутыру

2024 елның 16 августына кадәр

Бәйгедә катнашучыларның барысына да Нигезләмә белән танышырга һәм катнашуга гаризаны  2024 елның 16 августына кадәр тутырырга кирәк. Җавап итеп без почта аша хат җибәреп сезнең катнашуны расларбыз.

Зинһар, сезнең белән элемтәгә керергә мөмкин булган актуаль телефон номерыгызны һәм почтагызны күрсәтегез! Әгәр телефон номеры яки почта дөрес булмаса һәм без бәйгедә катнашучы белән элемтәгә керә алмасак, аның гаризасы каралмаячак.

2 адым. Танышу этабы

2024 елның 19-23 августы

Бәйгедә катнашучыларның барысын да Дәүләт Эрмитажы тупланмасыннан «Эрмитаж-Казан» үзәгендәге рус ишарәләр теленә тәрҗемә белән «”Үз күзләреңә ышанма”. Сәнгатьтә иллюзияләр» күргәзмәсе буенча экскурсия көтә.

3 адым. Иҗат итү этабы

2024 елның 24 августы – 14 сентябре

Күргәзмә мотивлары һәм әсәрләре буенча сәнгать эшләре иҗат итү.

Эшләрне иҗат иткәндә түбәндәге таләпләрне үтәргә кирәк:

• Эшнең форматы 297×420 мм (А3);
• катнашучы, компьютер графикасыннан тыш, рәсем ясау өчен теләсә нинди техниканы сайлый ала;
• эш мөстәкыйль башкарылырга тиеш;
• эш имзаланырга тиеш (эш имзасы кагыйдәләре бәйге турындагы Нигезләмәнең 5.2 пунктында беркетелгән).

Шулай ук бәйгедә катнашучының нигезләмәдә бирелгән анкетасын тутырырга һәм эш белән бергә алып килергә яки почта аша җибәрергә кирәк..

Бәйгедә катнашучыларның эшләренең төп нөсхәләрен һәм Бәйгедә катнашучыларның анкеталарын 420111, Казан, Кремль, 522 а/я адресына җибәрергә яки бәйгенең оештыру комитетына мөстәкыйль рәвештә Казан шәһәре, Кремль, 1 йорт, 80 корпус, «Эрмитаж-Казан» үзәге, 3 кат, +7 (843) 567-80-34 адресы буенча 2024 елның 14 сентябренә кадәр тапшырырга кирәк.

4 адым. Бәйге этабы

2024 елның 15 сентябре

Бәйгедә җиңүчеләрне билгеләү һәм игълан итү. Бәйгедә җиңүчеләр исемлеге «Казан Кремле» музей-тыюлыгы рәсми сайтында бастырылачак.

5 адым. Күргәзмә этабы

2024 елның 23 сентябре-20 октябре

«Эрмитаж-Казан» үзәгендә бәйгедә җиңүчеләрнең сәнгать эшләре күргәзмәсен ачу һәм уздыру.

Контактлар: +7 (843) 567-80-32, +7 (843) 567-80-34, hermitage@kazan-kremlin.ru

*Бәйге Дәүләт Эрмитажы җыентыгыннан «“Үз күзләреңә ышанма”. Сәнгатьтә иллюзияләр» күргәзмәсендә инклюзив программа кысаларында үткәрелә