27.08.2024
30 августта Казан Кремлендә икенче «ДәртФест 2024» заманча татар мәдәнияте фестивале узачак. Республика көнендә фестиваль кунакларын тере татар музыкасы белән ике сәхнә, мода күрсәтү, балалар һәм гаилә мәйданчыклары, Татарстан брендларыннан дизайн-маркет, шулай ук «Акыл фабрикасы »лекорие көтә.
Фестиваль кунаклар өчен көндезге 12 сәгатьтә дизайн – маркет белән ачылачак, анда Татарстан дизайнерлары һәм һөнәрчеләре продукциясе тәкъдим ителәчәк. Шулай ук көндез гаиләләр һәм кечкенә кунаклар өчен интерактив балалар зонасы һәм гаилә мәйданчыгы эшләячәк.
Шәһәр халкының яраткан урынында, Гавами урыннары ишегалдында зур сәхнә урнашачак. Биредә Юрий Федоров җитәкчелегендәге Yummy Music Band төркеме һәм Азат Баязитов, Илгиз Шәйхразиев, Эльвира Мифтахова, Juna инди-фолк төркеме һәм Azat Gilmetdin чыгыш ясаячак. Зур сәхнә программасының дулкынландыргыч өлеше булып локаль инди-музыкантлар башкаруында Зули Камалова трибьюты булачак.
Кече сәхнә Туп сараенда урнашачак, анда яшь артистлар һәм Garipov, Айрат Хәйруллин, АлияНур, Al Su, Elina, Алма, lunami, qaynar инди-төркемнәре чыгыш ясаячак. Ә сәхнә хедлайнеры TATARKA булачак, аны Казан белән күптәнге иҗади мөнәсәбәтләр бәйли.
Узган ел традицияләрен дәвам итеп, шунда ук Туп сараенда подиум урнашачак, анда милли компонентлы кием һәм аксессуарлар тудыручы Татарстан дизайнерлары катнашында мода күрсәтүе узачак. Күрсәтүнең музыкаль кунаклары – битмейкер Malsi Music, Эльвира Мифтахова, Илгиз Шәйхразиев һәм K-Ru.
Быел фестиваль программасы киңәя һәм Бөтендөнья татар яшьләре форумы катнашында «Акыл фабрикасы» лекцияләр сериясен үз эченә алачак.
12:00 – 21:00 дизайн-маркет
12:00 – 18:00 балалар мәйданчыгы
12:00 – 20:00 гаилә мәйданчыгы
15:00 – 17:00 мода күрсәтү
12:00 – 18:00 «Акыл фабрикасы» лекорие
17:30 – 22:00 Зур һәм кече сәхнәләрдә концерт программасы
Фестивальнең тулы программасы һәм картасы белән «ДәртФест 2024» фестиваленең социаль челтәрләрендә: Вконтакте һәм Телеграмда танышырга мөмкин.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 350 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Кафе и рестораны на территории Казанского Кремля
