06.06.2025-14.09.2025
«Эрмитаж-Казан» үзәгеКасса музейның эш сәгате тәмамланырга 30 минут алдан ябыла
| Керү билеты | ТҮЛӘҮСЕЗ |
Балалар эшләре күргәзмәсе Дәүләт Эрмитажы тупланмасыннан «Гүзәл чор. XIX–XX гасырлар чигендәге Европа сәнгате» проекты кысаларында уза.
Гүзәл чор – сәнгать, мәдәният, илһам чәчәк аткан чор күргәзмәдә катнашучы яшьләрнең иҗатында да чагылыш тапты. Эрмитаж коллекциясеннән импрессионистлар һәм постимпрессионистлар шедеврлары – Моне, Матисс, Пикассо һәм Ван Гог эшләре белән танышып, балалар фантазия һәм хис – кичерешләр белән тулы рәсемнәр иҗат итте.
Катнашучылар үзләрен рәссам – импрессионистлар, постимпрессионистлар, фовистлар, кубистлар ролендә тәкъдим иттеләр. Аларның рәсемнәрендә сез төрле төстәге Казан Кремлен, якты урамнарны, паркларны һәм Казанның ачык төсләр, төрле геометрик фигуралар һәм төсле нокталар ярдәмендә ясалган истәлекле урыннарын таба аласыз. Этикеткаларга игътибар итегез, анда катнашучылар гүзәл чорның яраткан рәссамнары белән таныштыра һәм шәһәрнең яраткан урыннары турындагы ачышлары һәм тәэсирләре белән уртаклаша.
Күргәзмәдә 6-15 яшьлек катнашучыларның – даими һәм яңа яшь авторларның эшләре тәкъдим ителә. Балалар эшләре күргәзмәсе – Казан кунаклары һәм халкы өчен таныш һәм таныш булмаган урыннарга балаларның кабул итү призмасы аша карау өчен менә дигән мөмкинлек.
Күргәзмә 2025 елның 14 сентябренә кадәр эшли. Керү ирекле.
