14.07.2023
2023 елның 13 июлендә Казан Кремленең Гавами урыннары ишегалдында «Ольга Скепнер белән Кремльдә JAZZ». Бөтенроссия импровизация музыкасы фестиваленең XVII сезоны старт алды. Кичәнең йолдызы – «Голос» проектында катнашучы җырчы Фантине.
Ачылу алдыннан фестиваль Президенты һәм авторы Ольга Скепнер билгеләп үткәнчә: «Фестиваль – ул һәрвакыт бәйрәм, һәрвакыт теге яки бу музыканың, чыгыш ясаучы бөтен команданың төрле халәте. Бүген без беренче тапкыр яңа мәйданчыкта чыгыш ясаячакбыз, әмма фестивальдә тамашачылар форматы һәрвакыт яңартыла. Без элеккечә калмыйбыз, барысы да үзгәрә».
Кремльдә «JAZZ» ны ачу хокукына ия булган башкаручы Фантине: «Мин монда, сезнең искиткеч шәһәрегезгә үземнең командам белән килүемә бик шат. Мин бүген иң яхшы җырларымны һәм автор музыкасын башкарырга вәгъдә итәм».
«Казан Кремле» музей-тыюлыгы директоры Илнур Рәхимов кунакларга мөрәҗәгать итеп: «Хөрмәтле кунаклар, сезне яңа мәйданчыкта сәламлибез. Без Татарстан Рәисенең, хөрмәтле партнерларыбызның һәм спонсорларыбызның ярдәме белән бүген джаз бәйрәмен тәкъдим итә алуыбызга шат. Барыгызга да яхшы вакыт үткәрергә телим. Без яңа традицияләрнең шаһите булырбыз дип өметләнәм – ел саен Кремльдә, Гавами урыннары ишегалдында очрашырбыз», – дип белдерде.
Һавага таралган джаз атмосферасы һәм поп-джазның нечкә лирикасы казанлыларга онытылмас тәэсир калдыра, алар һәр яңа композицияне көчле алкышлар белән каршы ала. Фантине классик джаз әсәрләрен бик яхшы интерпретацияли генә түгел, ә тамашачыларны үзенең харизмасы һәм энергетикасы белән дә таң калдыра. Фестиваль кунаклары Фантине башкаруында танылган җырларның яңа һәм кабатланмас яңгырашына сокланды. Шулай ук җырчы «Overdue» альбомыннан автор композицияләрен тәкъдим итте.
Исегезгә төшерәбез, фестиваль программасында алты концерт булачак, алар пәнҗешәмбе көнне 19:00 сәгатьтә Гавами урыннары ишегалдында узачак.
Концертлар расписаниесе белән танышырга һәм билетларны сылтама буенча үтеп алырга мөмкин
Билетларны Пушкин картасы буенча да сатып алырга мөмкин
* Июнь аенда Гавами урыннары ишегалдында 20гә якын төрле чара уздырылды, шул исәптән лекцияләр, концертлар, спектакльләр, мастер-класслар һәм фестивальләр. Җәй дәвамында биредә рестораннарның җәйге террасалары эшли, төрле чаралар үткәрү өчен сәхнә һәм амфитеатр җиһазландырылган. Джаз фестивале концертлары Консистор манарасы янындагы мәйданда узачак.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 350 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Кафе и рестораны на территории Казанского Кремля
