В Присутственных местах Казанского Кремля пройдет новогоднее представление «Тайна хранителя Кремля»

Яңа елга Казан Кремле үзгәрәчәк: аның Гавами урыннары могҗиза һәм тылсым хөкем сөрә торган әкияти дөньяга әвереләчәк, ә күз явын алырлык декорацияләрдә кеше ышанмаслык хәлләр булачак. Быел Гавами урыннары бинасында 6-10 яшьлек балалар «Кремль сакчысының сере» дигән яңа ел тамашасын карый ала. Кремльнең акыллы сакчысы һәм аның кызыксынучан кызы, шук тычканнар һәм тәрбияле Казан мәчесе Казан Кремленең кечкенә кунаклары белән бергә Яңа ел иң зур серен ачачак.

«Кремль сакчысының сере» спектаклендә балалар тамашачы булып кына калмый, ә күп гасырлык Казан Кремле тарихы белән бергә бара торган мавыктыргыч тарихның тулы хокуклы катнашучылары да булачак. Әкият геройлары белән бергә балаларга күп сынаулар үтәргә, Кыш бабай белән Кар кызы Казан Кремлендә Яңа ел бәйрәмендә кунак булсын өчен, игелекле эшләр башкарырга өйрәнергә туры киләчәк.

Оригиналь костюмнар, автор сценарие, мультимедияле декорацияләр уникаль тарихи урында – Казан Кремлендә, шулай ук уеннар һәм күңел ачулар – болар барысы да Яңа ел спектакленең аерылгысыз өлешләре, ул балаларга гына түгел, өлкәннәргә дә искиткеч кәеф бирәчәк. Иң мөһиме, безнең һәрберебездә тылсым яши, ә чын могҗизалар – безнең игелекле эшләребез һәм яхшылык эшләргә теләгебез булу икәнлеген онытмау.

Салкын кыш көнен безнең кунаклар матур итеп бизәлгән Яңа ел Кремле буйлап йөреп, тагын да күңеллерәк итә алачак. Ә озатып йөрүче өлкәннәр уңайлы кафеларның берсендә яки шәһәребезгә – аның тарихына һәм образларына багышланган, «Казан гасырлар манзарасында» күргәзмәсендә ял итә ала.

Шәхси кунаклар өчен график

Кайчан: 2023 елның 21-30 декабре, 2024 елның 1-5 гыйнвары

Сеанслар: 11:00, 14:00, 17:00. Программаның дәвамлылыгы 1 сәгать 30 минут тәшкил итә.

Билет бәясе: 2 500 сум (билет бәясенә татлы бүләк керә 500 гр.). 7 яшькә кадәрге балалар өчен бер озата баручы түләүсез керергә мөмкин.

Әгәр дә сез 7 яшьтән узган бала белән спектакльгә барырга телисез икән, сезнең үзегезгә дә билет алырга кирәк булачак. Аның бәясе 500 сум.

Төркемнәр өчен график

Кайчан: 2023 елның 21-30 декабре

Сеанслар: 11: 00, 14:00 сәгатьтә. Программаның дәвамлылыгы 1 сәгать 30 минут тәшкил итә.

Билет бәясе: 20 кешедән торган төркем өчен 2 000 сум (билет бәясенә 500 грамм татлы бүләк керә.). 20 кешелек төркем өчен, 2 озата баручы түләүсез керә ала.

Әгәр дә сез соңрак сатып алу өчен билетларны броньларга телисез икән, безнең белән электрон почта аша элемтәгә керегез: prog.zima@kazan-kremlin.ru

Хатта түбәндәге мәгълүматларны күрсәтергә кирәк:

• Контакт мәгълүматлары – Ф.И.О., телефон номеры
• Спектакльнең датасы
• Сеанс
• Билетлар саны
• Түләү ысулы

Билетларны «Казан Кремле» музей-тыюлыгы сайтында һәм аның кассаларында (1 һәм 2 подъезд) сатып алырга мөмкин

Кассаларның эш вакыты:

• Гавами урыннары 1 подъезд: дш-якш 9: 0-20:00
• Гавами урыннары 2 подъезд: дш-якш 9:00-18:00