«Эрмитаж-Казан» үзәгендә «Фламанд сәнгатенең алтын гасыры» күргәзмәсендә мәктәп программалары

«Фламанд сәнгатенең алтын гасыры» күргәзмәсендә Рубенс, Ван Дейк, Йорданс кебек бөек рәссамнарның иҗат әсәрләре белән танышырга һәм шул чорга сәяхәт ясарга була. Интерактив капшап карау мөмкинлеге булган станция һәм рәсемнәргә багышлап махсус әзерләнгән хуш исләр күргәзмәнең үзенчәлеге булып тора.

«Эрмитаж-Казан» үзәгендә Рубенс, Ван Дейк белән бергә күңелле экскурсияләрдә йөреп һәм кызыклы программаларда катнашып үткәрегез!

• Кече яшьтәге мәктәп укучылары өчен «Сәнгать аучылары» уен программасы

«Сәнгать аучылары» программасы яшь тамашачыларны сәнгать әсәрләре белән уен рәвешендә таныштыра. Уенда катнашучылар һәр залда биремнәрне үтәп, хуш ис буенча картиналар табачак, сюжетларны чишеп 17 нче гасырга караган гамәли сәнгать предметлары, рәсемнәр, графика турында беләчәк. Уен элементлары фламанд осталарының иҗаты, тарихы белән таныштырачак һәм иң якты тәэсирләр калдырачак!

Бөек рәссамнар – Рубенс, Йорданс, Ван Дейк, Тенирс һәм аларның замандашларының иҗат әсәрләре иң якты мизгелләр бүләк итәчәк, ә музейдагы сәяхәт яшь тамашачыларны яңа белемнәр белән баетачак.

Программада катнашу бәясе: 300 сум
(керү билеты+экскурсия+уен+сувенир)

• Урта яшьтәге мәктәп укучылар өчен «Фламанд рәссамнары һәм аларның иҗат сере» уен программасы

Катнашучылар уен рәвешендәге программада 17 нче гасыр фламанд сәнгате белән танышачак. Зиннәтле портретлар, пейзажларны күрәчәк, әсәрләрнең сюжетларындагы, көмештән, фил сөягеннән ясалган предметлардагы серләр һәм символларны ачачак. 17 нче гасырның бөек рәссамнары – Рубенс, Ван Дейка, Йорданс, Тенирс һәм аларның замандашларының тормыш юлы хакында гаҗәеп фактлар беләчәк.

Программада катнашу бәясе: 300 сум
(керү билеты+экскурсия+уен+сувенир)

• «Фламанд сәнгатенең алтын гасыры» күргәзмәсе буенча күзәтү экскурсиясе

Катнашучылар фламанд сәнгатенең алтын гасырында иҗат иткән дөнья күләмендә танылган рәссамнарның әсәрләре белән таныша ала. Экскурсия вакытында фламанд рәсеменең үзенчәлекләре, төрләр һәм жанрларыының төрлелеге билгеләнә. Экскурсиягә ктлүчеләр үзләре өчен аллегорияләрнең яшерен мәгънәсен ачачак һәм 17 нче йөзнең танылган рәссамнары тормышыннан кызыклы мәгълүмат беләчәк.

Күргәзмәгә керү билеты бәясе:

Өлкәннәр – 300 сум
Ташламалы (студентлар, пенсионерлар) – 200 ₽
Балаларга – 150 ₽

(18 яшькә кадәрге балаларга, әти-әниләр белән бергә килгәндә – керү бушлай)

Экскурсия хезмәте күрсәтү бәясе:
– 1-10 кешелек төркем өчен: 1500 сум;
– 11-20 кешелек төркем өчен: 2000 сум;
– 21-30 кешелек төркем өчен: 2500 сум.

• «Фламанд сәнгатенең алтын гасыры» күргәзмәсе буенча гаилә уен программасы, 6+

Программада катнашучылар XVII гасырга, бөек рәссамнар һәм осталар иленә гаҗәеп сәяхәткә китәчәк. Яшь сәяхәтчеләр XVII гасырның Фландриясенә күчәчәк, үз илләрен бөтен дөньяга таныткан бөек осталар белән очрашачак. Программада катнашучыларга серләрне чишәргә һәм иҗат әсәрләрнең яшерен уй-фикерләре белән танышырга туры киләчәк.

Программада катнашу бәясе: 300 сум (керү билеты+экскурсия+уен+сувенир)

Сезне һәм укучыларны тарих һәм сәнгать белән очрашуга чакырабыз!

Билетларны Пушкин картасы буенча да сатып алырга була.
Экскурсияләргә һәм программаларга язылу:
+7(843)567-80-32, +7(843)567-80-34