10.05.2023
18-20 майда Казан Кремле балкый: «Кремль балкышы» яктылык фестивале уздырылган көннәрдә музей-тыюлык җирлегендә инсталляцияләр белән 7 мәйданчык барлыкка киләчәк, перформанслар узачак, ә фестиваль 20 майда ел саен үткәрелә торган «Музейлар төне» акциясе белән тәмамланачак.
«Кремль балкышы» яктылык фестивале, 2023 елның 18-20 мае
«Кремль балкышы» фестивале көннәрендә Казан Кремленең танылган архитектура һәйкәлләре — Преображение һәм Яшеренү манаралары, Гавами урыннары бинасы ишегалдындагы каморлар һәм пряслалар мультимедия инсталляцияләре белән арт-объектларга әвереләчәк. Һәр инсталляция объектның тарихын һәм архитектура үзенчәлекләрен чагылдырачак, ә һәр көн кич белән Кол Шәриф мәчете янындагы мәйданчыкта перформанслар узачак.
Барлык мәйданчыкларга керү ирекле. Локацияләр 2023 елның 18-20 маенда, 19:30-23:00 сәгатьтә ачылачак. Локацияләр картасы белән сылтама буенча үтеп танышырга мөмкин.
Казан Кремлендә Музейлар төне, 2023 елның 20 мае
2023 елның 20 маенда «Казан Кремле» музей-тыюлыгы ел саен үткәрелә торган «Музейлар төне» бөтенроссия акциясенә кушылачак. Бу көнне 18:30 сәгатьтән 23:00 сәгатькә кадәр музей-тыюлыкның музейларында һәм күргәзмә залларында тематик экскурсияләр, театральләштерелгән программалар, мастер-класслар һәм квестлар узачак. Керү билеты буенча Казан Кремле музейларында программаларда, иҗади дәресләрдә һәм мастер-классларда катнашырга мөмкин.
Казан Кремле «Музейлар төне – 2023» тулы программасы белән танышу.
Оештыручылар турында
«Казан Кремле» музей-тыюлыгы шәһәрнең күп гасырлык тарихын ачып бирүче архитектура, тарихи һәм археологик һәйкәлләр комплексы. Музей-тыюлык составына түбәндәге Музейлар керә: «Эрмитаж-Казан» үзәге, Татарстанның табигый тарих музее, Татар халкы һәм Татарстан Республикасы дәүләтчелеге тарихы музее, Ислам мәдәнияте музее, Благовещение соборы тарихы музее, Туп утары музее, «Манеж» күргәзмә залы, Гавами бинасы күргәзмә заллары.
FORMATE – мультимедия сәнгате өлкәсендә проектлар иҗат итү һәм гамәлгә ашыру белән шөгыльләнүче концепт-студия. Аларның портфолиосында медиатехнологияләр, яктылык һәм лазерлар кулланып, бөтен Татарстан буенча иң эре мәдәни, спорт һәм икътисади вакыйгаларны ачу тантаналары өчен мультимедия шоулары һәм аудиовизуаль перформанслар бар.
Элемтәләр: 8 (843) 567-80-17; info.kremlin@mail.ru
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 350 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Кафе и рестораны на территории Казанского Кремля
