18.04.2023
2023 елның 18 апрелендә «Казан Кремле» музей-тыюлыгының Гавами урыннары бинасында «Туристлык-рекреацион өлкәне үстерү потенциалы буларак тарихи-мәдәни мирас» ХІІ Бөтенроссия фәнни-гамәли конференциясе ачылды.
Конференция Халыкара һәйкәлләр һәм тарихи урыннар көненә багышланган һәм тарихи-мәдәни мирасны саклау, популярлаштыру һәм презентацияләү мәсьәләләрен күтәрә.
Быел чарада Россиянең һәм Белоруссиянең 16 төбәгеннән 100 дән артык кеше катнаша. Секцияләр эшенә 23 музей һәм музей-тыюлык, шулай ук тыюлык һәм милли парк хезмәткәрләре җәлеп ителә.
Конференцияне сәламләү сүзе белән Татарстан Республикасы Рәисенең ярдәмчесе Олеся Балтусова, «Казан Кремле» музей-тыюлыгы директоры Илнур Рәхимов һәм Казан (Идел буе) федераль университетының Халыкара мөнәсәбәтләр институтының фәнни эшчәнлек буенча директор урынбасары, Халыкара һәйкәлләрне һәм истәлекле урыннарны саклау Советының (ИКОМОС) Россия Комитеты Вице-президенты Рафаэль Вәлиев ачты.
«Хәерле көн, хөрмәтле хезмәттәшләр. Безнең конференция көннән-көн таныла бара. Әгәр беренче елларда биредә бу өлкәдә кадрлар әзерләүче югары уку йортлары күбрәк тәкъдим ителгән булса, соңгы ике-өч елда без музей һәм музей-тыюлыклардагы хезмәттәшләребез тарафыннан зур кызыксыну күрәбез. Безнең конференциядә 100 дән артык кеше катнаша. Безнең өчен дәвамлылыкны күрсәтә алуыбыз мөһим: бүген монда студентлар гына түгел, ә безнең укытучылар, профессорлар да катнаша. Нәтиҗәләр буенча без һәрвакыт конференция материалларын әзерлибез, чараның бренды булган җыентыкны бастырабыз», – – дип ассызыклады Рафаэль Вәлиев.
«Безнең өчен әлеге конференцияне үткәрү – яхшы традиция, аның дәрәҗәсе арта бара. Катнашучылар саны елдан-ел артыр дип өметләнәбез. Шулай ук монда килгән һәм белемнәре белән уртаклашырга әзер булган белгечләргә рәхмәтлебез. Музей җәмәгатьчелеге бер яктан консерватив, икенче яктан бик ачык һәм әңгәмәгә әзер, үзенең иң яхшы тәҗрибәләре белән уртаклаша ала», – дип билгеләп үтте Илнур Рәхимов.
«Барыгызны да Халыкара һәйкәлләр һәм тарихи урыннар көне белән котлыйм. Без барыбыз да бу көнгә катнашыбызны сизәбез. Без мәдәни мираста яшибез һәм эшлибез. Унике ел эчендә бик күп эш башкарылды. Конференциядә һәркемгә яхшы чыгыш ясауны телим», – диде Олеся Балтусова.
19 апрельдә конференция Казан (Идел буе) федераль университетында студентлар секциясе белән дәвам итәчәк.
Чара нәтиҗәләре буенча Россия фәнни цитаталар индексы системасына кертеп докладлар җыентыгы әзерләнәчәк.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 350 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Кафе и рестораны на территории Казанского Кремля
