«Казан кремле» музей-тыюлыгына кагылышлы кагыйдәләр

ГОМУМИ НИГЕЗЛӘМӘЛӘР

Әлеге кагыйдәләр Казан Кремле җирлегенә һәм объектларына керү тәртибен, Кремль җирлегендә үз-үзеңне тоту кагыйдәләрен, шулай ук җирлеккә автотранспорт белән керү һәм аның хәрәкәтен билгели.
Кагыйдәләр Казан Кремлендә тәртип саклау һәм куркынычсызлык тәэмин итүгә, кунакларга хезмәт күрсәтүне яхшыртуга юнәлдерелә һәм һичшиксез үтәлергә тиеш.
Җәмәгать тәртибен саклау, хокук бозуларны кисәтү һәм булдырмау, автотранспортның Казан Кремле җирлегенә керүен контрольдә тоту, хәрәкәт схемасын, парковка кагыйдәләрен үтәү, үткәрү режимын тәэмин итү, шулай ук Казан Кремле җирлегендә әлеге кагыйдәләрнең үтәлешен тәэмин итү билгеләнгән вәкаләтләр кысаларында Россия Федерациясенең эчке эшләр органнарына һәм «Казан Кремле» музей-тыюлыгы администрациясенә йөкләнелгән.

ЭШ РЕЖИМЫ

1. Кунаклар «Казан Кремле» музей-тыюлыгы җирлегенә һәркөн түбәндәге урыннар аша керә ала:

Спас манарасы аша «1» гыйнвардан «31» декабарьгә кадәр тәүлек буе;
Тайницкая манарасы аша «01» октябрьдән «30» апрельгә кадәр 06:00-20:00, «01» майдан «30» сентябрьгә кадәр 06:00 – 22:00;
Преображенская манарасы аша «1» гыйнвардан «31» декабарьгә кадәр 06:00 – 21:00.

2. «Казан Кремле» музей-тыюлыгы администрациясе, килүчеләр агымына, ел вакытына һәм үткәрелә торган чараларга бәйле рәвештә, Казан Кремленә керү өчен билгеләнгән вакыт режимына үзгәрешләр кертергә хокуклы.

3. Казан Кремле җирлегендә һәм объектларында дәүләт чаралары үткәрелгәндә һәм/яки керү мөмкинлеге чикләнгән шартлар тудыруны таләп итә торган башка сәбәпләр булганда, Казан Кремле җирлеге яисә аның аерым бер өлеше, шулай ук аның җирлегендә урнашкан аерым биналар кунаклар һәм автотранспорт йөрү өчен ябылырга мөмкин.

КАЗАН КРЕМЛЕ ҖИРЛЕГЕНДӘ ЭКСКУРСИЯ ХЕЗМӘТЕ КҮРСӘТҮ

Казан Кремле җирлегендә, «Казан Кремле» музей-тыюлыгы объектларында, күргәзмә һәм экспозицияләрдә экскурсияләрне «Казан Кремле» музей-тыюлыгы администрациясе, штатларында «Казан Кремле» музей-тыюлыгында аттестация үткән, экскурсия үткәрергә сертификатлы экскурсоводлары булган туристик-эксурсион оешмалар үткәрә ала (туристик-экскурсион оешмаларның эшчәнлеге «Казан Кремле» музей-тыюлыгы белән килешү нигезендә башкарыла).

«КАЗАН КРЕМЛЕ» МУЗЕЙ-ТЫЮЛЫГЫ ҖИРЛЕГЕНӘ ҺӘМ АНЫҢ ОБЪЕКТЛАРЫНА ТҮБӘНДӘГЕ ШАРТЛАРДА КЕРҮ ТЫЕЛА:

аек хәлдә булмаучыларга, кешене мыскыллаучы, җәмгыятьтәге әхлакый нормаларны һәм җәмәгать тәртибен бозучыларга;
корал һәм үткен, очлы, тиз ватыла торган, шартлау, ут кабу, агулау, пычрату ихтималы булган предметлар һәм матдәләр белән килүчеләргә;
зур күләмле һәм авыр (мәсәлән чемодан, юл сумкасы, рюкзак һәм башка шуңа охшаш предметлар, бала коляскасыннан кала).

«КАЗАН КРЕМЛЕ» МУЗЕЙ-ТЫЮЛЫГЫ ҖИРЛЕГЕНӘ ҺӘМ АНЫҢ ОБЪЕКТЛАРЫНА ТҮБӘНДӘГЕ ОЧРАКЛАРДАН ТЫШ ХАЙВАННАР БЕЛӘН КЕРҮ ТЫЕЛА:

күрү сәләте начар булган кунакларны озата баручы этләр;
Казан Кремле җирлегендә урнашкан биналардан тыш, кулга тотып яки йорт хайваннарын йөртү өчен кулланыла торган махсус күчергечләрдә булган хайваннар белән килүчеләргә.

Хайванның хуҗасы, әгәр аның хайваны «Казан Кремле» музей-тыюлыгының, аның хезмәткәрләренең яки теләсә кайсы өченче затларның гомеренә, сәламәтлегенә яки мөлкәтенә зыян китерсә, гамәлдәге законнарда каралган тулы җаваплылыкны үз өстенә ала.

Казан Кремле биналарына (Благовещение соборы һәм Кол Шәриф мәчетеннән тыш) физик мөмкинлеге чикле булган кунакларны озата баручы этләргә генә керү рөхсәт ителә.

Физик мөмкинлеге чикле булган кунакларны озата баручы этләр өчен түбәндәге шартлар үтәлергә тиеш:

• этнең махсус өйрәтелгән булуын раслый торган документ булу;

• эттә борынчык булуны тәэмин итү;

• таныклык билгеләре һәм яктылыкны кире кайтара торган элементлары булган озата баручы эт махсус шлейкасын куллану.

«КАЗАН КРЕМЛЕ» МУЗЕЙ-ТЫЮЛЫГЫНА КИЛҮЧЕЛӘРГӘ ТҮБӘНДӘГЕЛӘР ТЫЕЛА:

җирлектә, койма артына һәм бина эчендә, бүленеп алынган, керү тыелган өлешләргә рөхсәтсез керү;
тәмәке (шул исәптән электрон вариантын), исерткеч эчемлекләр куллану, кешене мыскыллау, җәмгыятьтәге әхлакый нормаларны һәм җәмәгать тәртибен бозу;
ут кабызу, пиротехник эшләнмәләр куллану;
велосипед, самокат, роликлы конькиларда йөрү һәм башка транспортка охшаш, үзйөрешле җайланмалар куллану;
мәктәпкәчә яшьтәге балаларны күзәтүсез калдыру;
сәдәка сорап йөрү;
буаларның (фонтаннарның) су касәләренә керү, сынлы сәнгать әсәрләре һәм архитектура элементларына менү;
язулар язу, белдерү, плакатлар ябыштыру, «Казан Кремле» музей-тыюлыгы администрация рөхсәтеннән башка басма продукция тарату;
гамәлдәге законнарда билгеләнгән таләпләрне бозып, халык алдында ачык чаралар үткәрү;
табыш алу максаты белән «Казан Кремле» музей-тыюлыгыннан әлеге төр эшчәнлеккә рөхсәт алмыйча, сәүдә итү, билетлар тарату, экскурсияләр, театральләштерелгән тамашалар үткәрү һәм башка төр эшчәнлекне тормышка ашыру (кызыксынган зат белән «Казан Кремле» музей-тыюлыгы арасында билгеләнгән тәртиптә рәсмиләштерелгән килешү Казан Кремле җирлегендә түләүле эшчәнлек алып барырга рөхсәт бирүне раслап тора);
«Казан Кремле» музей-тыюлыгы администрациясе рөхсәтеннән башка, шул исәптән мобиль телефон кулланып, фотосессияләрүткәрү;
«Казан Кремле» музей тыюлыгы администрациясенең рәсми рөхсәтеннән һәм аерым килешү төзүдән башка коммерция максатларында фото һәм видеога төшерү вакытында алынган сурәтләрне файдалану;
тавыш көчәйткеч җайланмаларга тоташтырылган аудиотехника куллану, җырлау, бию, музыка уен коралларында уйнау;
киемсез, яки чиста булмаган киемдә йөрү, шулай ук музейга килүчеләргә, мәдәни мирас объектларына (тарих һәм мәдәният һәйкәлләре) зыян китерүче багаж һәм предметлар куллану;
үсеп утырган яшеллеккә зыян китерү;
тыелган җирдә дивар һәм корылмаларга менү;
Казан Кремле җирлеген һәм объектларын пычырату, чүпләү, мәдәни мирас объектларына зыян китерерлек башка гамәлләр кылу;
пилотсыз очу чараларын куллану.

«КАЗАН КРЕМЛЕ» МУЗЕЙ-ТЫЮЛЫГЫНА КИЛҮЧЕЛӘРНЕҢ БУРЫЧЛАРЫ:

әлеге кагыйдәләрне үтәү;
«Казан Кремле» музей-тыюлыгы хезмәткәрләренең, Россия Федерациясе Эчке эшләр органнары хезмәткәрләренең чисталыкны һәм җәмәгать тәртибен саклау буенча таләпләрен үтәү;
җәяүлеләр өчен билгеләнгән юллары буйлап йөрү, саклык чараларын куллану, юл хәрәкәте кагыйдәләрен үтәү;
үзләре белән булган балигъ булмаган балаларны күзәтүсез калдырмау, аларның үз-үзләрен тотышын контрольдә тоту һәм аларның әлеге Кагыйдәләр белән тыелган гамәлләр кылуын булдырмау.

«КАЗАН КРЕМЛЕ» КАГЫЙДӘЛӘРЕН БОЗГАН ӨЧЕН ҖАВАПЛЫЛЫК

әлеге Кагыйдәләр белән билгеләнгән тәртипне бозучылар Казан Кремленең аерым объектларыннан һәм җирлегеннән Татарстан Республикасы Эчке эшләр министрлыгы идарәсенең үзәк бүлекчәсе полиция батальоны хезмәткәрләре тарафыннан чыгарылырга, ә моңа нигезләр булган очракта, гамәлдәге законнар нигезендә тоткарланырга һәм эчке эшләр органнарына тапшырылырга мөмкин;
зыян китергән затлар административ яки җинаять җаваплылыгына тартылырга мөмкин, шулай ук зыянны тулысынча капларга тиеш. Зыян китерүче китерелгән зыянны капларга риза булмаган очракта, «Казан Кремле» музей-тыюлыгы администрациясе үз таләбен суд тәртибендә тормышка ашырырга хокуклы;
«Казан Кремле» музей-тыюлыгы администрациясе килүчеләрнең әлеге кагыйдәләрне бозу яки үтәмәү нәтиҗәсендә алган теләсә нинди зыян, бәхетсезлек очраклары һәм җәрәхәтләре өчен җаваплы түгел. Килүчеләр әлеге кагыйдәләрне бозган яки үтәмәгән өчен тулы җаваплылыкны үз өстенә ала.

АВТОТРАНСПОРТТА ЙӨРҮ КАГЫЙДӘЛӘРЕ

Казан Кремле ансамбленә кергән мәдәният һәйкәлләренең сакланышын һәм «Казан Кремле» музей-тыюлыгы җирлегенә килүчеләрнең иминлеген тәэмин итү максатларында автотранспорт белән җирлеккә керү катгый чикләнелә;
Казан Кремле җирлегенә махсус рөхсәт кәгазе буенча хезмәт автотранспортына керү рөхсәт ителә;
Казан Кремле җирлегендә урнашкан биналарны ремонтлауда һәм реконструкцияләүдә катнашучы автотранспортка, шулай ук Казан Кремле биналарына һәм җирлегенә хуҗалык хезмәте күрсәтүче оешмаларның автотранспортына җирлеккә керү исемлек (гариза) буенча рөхсәт ителә;
Казан Кремлендә биналарны арендага алучы оешмаларның (шәхси эшмәкәрләрнең) автотранспортына керү исемлек (гариза) буенча иртән (6:00-08:00) һәм кич (18:00-21:00) аралыгында башкарыла;
Казан Кремле җирлеге буенча автотранспорт хәрәкәте тизлеге керү юлында тиешле юл билгеләре белән чикләнә;
«Казан Кремле» музей-тыюлыгына хуҗалык хезмәте күрсәтү белән шөгыльләнүче оешма җитәкчеләре һәм Казан Кремлендә биналарны арендага алучы оешма җитәкчеләре үзләренең транспорты өчен тулысынча җаваплы.

Вложения

Правила посещения музеев и выставочных залов, находящихся на территории Музея-заповедника «Казанский Кремль» и рекомендации для посетителей Правила посещения мечети Кул Шариф Правила посещения Благовещенского собора Правила профилактики (рекомендации Роспотребнадзора)Правила возврата электронных билетов Правила посещения смотровой площадки «Преображенская башня» Казанского Кремля Правила посещения Казанского Кремля