1996 елның 21 февралендә элекке Юнкер училищесы җирлегендә булачак Кол Шәриф мәчете урынында тантаналы рәвештә истәлек билгесе салынды. Аның төзелеше турында Татарстан Республикасы Президенты Минтимер Шәймиев Указы (1995 елның 13 ноябре) белән игълан ителде: «Тарихи дәвамлылыкны саклау максатыннан Кол Шәриф мәчете бинасын торгызу...». Указының тексты таш өстенә куелды.
Актив төзелеш башлангач, таш мәчетнең төньягына күчерелә. Мәчет һәм таш алдындагы мәйданчыкта мөселманнарның зур бәйрәмнәрендә дини йолалар башкарыла.